Conspicuous Consumption 炫燿性消費
今日看見<信報>曹仁超篇日記，有段幾有趣:
「信貸泡沫爆破後，須調整嘅何止美國同英國樓價，好多項目都需要下調，例如高級餐廳消費及奢侈品。eBay計算所得，响美國家庭內可搵到總值3200美元其實並唔需要嘅物件（例如買入後只用過一次甚至從未用過嘅，可以放上網拍賣）！相信香港情況更甚，本港女士平均每人擁有超過十個手袋，只有其中兩三個經常用，其餘七、八個只用過一次或兩次......；男士們平均有十套西裝，亦只有其中兩三套會成日穿......。上述物件嘅作用只有一個目的，就係「炫燿性消費」（Conspicuous Consumption）。
經歷過1974年熊市打擊後，我老曹同妻子有一個協議：就係每月生活開支不得超過每月薪金收入。大部分人日常生活所需其實唔多，但欲望則無窮。三十三年過去，我老曹一直嚴守呢個規定，即家庭開支只可來自薪金收入，投資回報則留作「不時之需」，因為呢方面收入來源太唔穩定。上述規定限制咗我老曹嘅個人欲望，而令家庭一直過住好簡單嘅生活──既無華衣美服，亦無豪華房車，甚至出國旅行亦好少。有時諗番：有幾多人將生活所需與個人欲望混淆不清？例如美食唔一定係鵝肝、魚子醬，好多時餐蛋公仔麵亦好美味，尤其係肚餓之時。有朋友曾請飲過價值數萬元一枝紅酒，老實講，我老曹唔識貴在哪裏?!亦坐過朋友過百萬元嘅保持捷跑車，但我老曹仲係喜歡坐的士，因為夠方便。生平最怕上朋友嘅遊艇，因我老曹唔愛水上運動，上咗船都唔知做乜好。....」
基本上我同意他所持的原則(卻未必照做到),但他也刻苦了點,如投資有回報,不用借貸的話,也可享受一下,至少旅遊增見識不似「炫燿性消費」吧!
0 TrackBacks
Listed below are links to blogs that reference this entry: Conspicuous Consumption 炫燿性消費.
TrackBack URL for this entry: http://www.thecorner.org/mt4/mt-tb.cgi/100
Widgets 小玩意
Leave a comment